سبب ظهور الفاصل بين الباراميتر فى الدوال العلامة ; أو العلامة ,

السلام عليكم ورحمة الله وبركاته
كتير مننا عارفين ان فيه اجهزه يكون الفاصل بين اجزاء الداله يإما العلامه ; أو العلامه ,
لكن ايه السبب
ودا نفس السبب برضوا وراء ان بعض الاجهزه بتعمل Autofill على الشهور او الاسابيع بالانجليزى ومش بتعمل بالعربى
اولا نقول حل المشكله وبعدين تفسيرها
نفتح سوا كدا Control panel زى الصوره دى

اسلام عبدالله-سبب ظهور الفاصل بين الباراميتر فى الدوال العلامة ; أو ,

وزى ما واضح فى الصوره هنختار رقم 1 أو نختار رقم 2
لو اختارنا رقم 1 اللى هو Clock, Language, and region
هتظهرلنا النافذه دى

اسلام عبدالله-سبب ظهور الفاصل بين الباراميتر فى الدوال العلامة ; أو ,

زى ما واضح فى الصوره هنختار الامر Change date, time, number formats
اللى هو نفسه الاختيار رقم 2 من الصوره الاولى والاختيارين هيفتحوا نفس النافذه دى

اسلام عبدالله-سبب ظهور الفاصل بين الباراميتر فى الدوال العلامة ; أو ,

وزى ما انا موضح فى الصوره هنختار من Formats عند كلمة Format ونحدد اللغه (Arabic (Egypt
طيب لحد دلوقتى موصلناش لحاجه
اقولك بقى نلاحظ سوا كدا الفرق غير اللغه العربى دى باللغه الانجليزيه مثلا نختار (English (United States
نروح بقى نفتح الاكسل ونكتب سوا كدا دالة SUM زى كدا

اسلام عبدالله-سبب ظهور الفاصل بين الباراميتر فى الدوال العلامة ; أو ,

ومننساش نتاكد اننا بعد تغيير اللغه نقفل الاكسل ونفتحه تانى عشان الامر دا يتنشط
نلاحظ ان الفاصل بين الباراميتر والتانى بقى الفاصله بس وعلى فكرة دا الوضع الافتراضى اصلا مش العلامه دى ;
حتى افتح اى شرح لموقع اوفيس لاى داله هتلاقى انه بيشرح بالفاصله دى ودا لان الاكسل لا يدعم اللغه العربيه بشكل افتراضى
طيب نشوف اختلاف تانى نجرب كدا نعمل AuotFill للشهور او الاسبوع بالعربى زى كدا

اسلام عبدالله-سبب ظهور الفاصل بين الباراميتر فى الدوال العلامة ; أو ,

هنلاحظ ان الاكسل لم يتعرف على ايام الاسابيع او الشهور عشان يعملها تسلسل
وطبعا دا معناه ان القاموس بداخل الاكسل لا يدعم اللغه العربيه بشكل افتراضى
يبقى احنا بقى اللى هندعم الاكسل باللغه العربيه من الControl Panel زى ما قولنا فى الاول عشان نعالج المشكله دى
ودا الامر نفسه الذى يترتب عليه تغيير الفاصل بين الباراميتر فى الدوال من العلامه , الى العلامه ;
وعشان نتأكد تعالوا نشوفها سوا نغير اللغه للعربى تانى ونخرج من الاكسل ونفتحوا تانى
نجرب بقى دالة SUM تانى كدا عشان نلاحظ الفاصله بقت ازاى

اسلام عبدالله-سبب ظهور الفاصل بين الباراميتر فى الدوال العلامة ; أو ,

نلاحظ ان العلامة بقت كدا ;
طب نعمل AutoFill للشهور او اسابيع بالعربى كدا

اسلام عبدالله-سبب ظهور الفاصل بين الباراميتر فى الدوال العلامة ; أو ,

عمل التسلسل يعنى الاكسل كدا عرف ان دى شهور واسابيع
كدا انتهينا من درس النهارده
كان معكم اخوكم اسلام عبدالله
من صفحة المهندس الاول
والسلام عليكم ورحمة الله وبركاته