الرئيسية / top10 / ما هي طرق الربح من الانترنت تعرف عليها جميعها في هذه المقالة

ما هي طرق الربح من الانترنت تعرف عليها جميعها في هذه المقالة

ضع تقييمك من فضللك
[Total: 6 Average: 3.8]

اولا لو فاكر ان الربح من الانترنت سهل او حاجة اي حد ممكن يعملها فمتكملش المقاله للاخر
1-paid to click
المجال ده سهل جدا ومنصحش بيه خالص لان اكبر انجاز ممكن تعمله فيه انك تجيب فاليوم 20 سنت . افتكر اول مشواري زمان اوي اشتغلت في المجال ده وجبت 5 دولار في 6 شهور. عيبه ان معظم الشركات فيه نصابة بس هو مجال سهل جدا مجرد انك بتسجل وتدخل صفحة الاعلانات وتشوفهم لمدة خمس ثواني وتقفل والصراحة بعتبر الطريقة دي مضيعة للوقت
اشهر المواقع للطريقة دي هو نيوبوكس
————————————————————————————–
2-رفع الملفات
طريقة سهلة وبسيطة بس محتاجة مجهود وممكن تحتاج شهرين عشان تقدر تمسك اول ربح حقيقي منها وهي بتعتمد علي الاشتراك في مواقع ربح المال الربحية زي اب فور ايفر وفايل ابلود
ممكن ترفع ملفات زي ما تحبها وتنشرها عالفيس او اي مكان وتدي رابطها للناس
بتاخد علي كل 1000 تحميل من2ل7 دولار
ومش كل شركات الرفع ممكن تكسب منها طبعا وانا بنصح جدا بفايل ابلود واب فور ايفر لانهم مضمونين
————————————————————————————–
3-اختصار الروابط
اكيد سمعت الكلمة دي عالاقل مرة في حياتك
اشهر مواقع اختصار الروابط هو ادفلاي واختصار الروابط عموما وسيلة كويسة جدا للربح من النت لو استغليتها صح
في مواقع كتيرة لاختصار الروابط عالنت ربحية وطبعا الموضوع بيعتمد علي انك تستهدف الناس عاوزه ايه وترفعه لهم علي موقع رفع مثلا وتختصره بموقع الاختصار وبكده ممكن تحقق ربح كويس من الاتنين اخر الشهر
————————————————————————————–
4-الربح من يوتيوب
يوتيوب طبعا كلنا عارفيه موقع بياخد ملايين المشاهدات حول العالم يوميا
تقدر تربح من يوتيوب عن طريق انشاء قناة وتحقيق ال4000 ساعة مشاهدة و1000 مشترك وهيتم الدفع ليك عن طريق ويسترن يونيون
“استراتيجية صغيرة:الطريقة التانية والتالتة والرابعة تدمجهم
يعني تعمل فيديو تشرح برنامج او لعبة معينة وترفعه علي موقع الرفع وتختصره في موقع اختصار الروابط هتحقق ربح كويس جدا اذا كانت خبرتك في الربح من النت ضعيفة او لسه مستجد…”
————————————————————————————–
5-انشاء مدونة خاصة او موقع
دي تعتبر صعبة شوية علي شخص جديد بالربح من الانترنت
في الطريقة دي هتنشئ مدونة علي بلوجر او ووردبريس “ووردبريس افضل لكن بلوجر اسهل” لكنك ختحتاج استضافة للوردبريس هتكلفك في رينج 75 دولار سنويا تقريبا غير الدومين
وهتعمل موقع في اي مجال تحبه وتحط اعلاناتك من جوجل ادسنس
ومن خلال المدونة ممكن تستعمل كل الطرق اللي فاتت وتربح منها عن طريق مشاهدة فيديو ليك واختصار رابط التنزيل ورفع الملف علي موقع رفع ربحي
————————————————————————————–
6-الفوركس
المجال ده مش تخصصي بس اشتغلت فترة 6 شهور مع حد خبير فوركس واتعلمت حاجات كتيرة عن المجال ده وانا انصحك تبعد عنه رغم ان ارباحه عالية لو احترفته وهو بيعتمد علي بيع وشراء العملات عبر الانترنت
“تقدر تعمل مدونة عن الفوركس وتضيف كتب وتعمل شروحات علي يوتيوب وتختصر الروابط وتربح من رفع الملفات كدا اكتر من 5 مصادر دخل وطبعا كلها بتحتاج فترات لحد ما تحترفها
————————————————————————————–
7-الربح من العمل الحر”freelancer”
لما توصل لمرحلة الاحتراف الفعلية في مجال ممكن تبقي فري لانسر وتعمل مهام بسيطة للمبتدئين مثلا تعمل موقع تحل مشكلة في استضافة شركة تقدم استشارات في التسويق وهكذا
مين بقي الاشخاص المؤهلين انهم يشتغلوا المهنة دي ويطلق عليهم اللقب ده:
1-مصمم جرافيك وموشن جرافيك محترف
2-مترجم محترف”مش انجلش”
3-مصمم مواقع او مسوق
4-مطور مواقع وتطبيقات اندرويد
5-اللي بيشتغلوا في التجارة الالكترونية عن طريق بيع منتجات شخصية في متجر الكتروني
6-التدوين وكتابة المقالات في مواقع غيرك
في مواقع كتير عربية زي خمسات ومستقل ممكن تاخدهم كبداية اما انا شخصيا فانا بفضل تبدا علي فيفر وفريلانسر وبيبول بير اور
————————————————————————————–
8-بيع الكورسات اون لاين
اذا كنت تقدر تعمل حاجة مميزة او عندك حاجة تقدر تشرحها للناس وتسجل فيديوهات تعليمية علي الكومبيوتر وترفعها علي مواقع بيع الكورسات وممكن تكسب كتير جدا من الطريقة دي واشهر موقع هو يودمي وفي موقع تاني اسمه skillshare
————————————————————————————–
9-الربح من cpa or cps
في شركات اجنبية زي كليك بانك فيها منتجات انت بتسوق للمنتجات دي وتاخد نسبة عن كل بيع في بعض المنتجات بتوصل ل75% من تمن المنتج واكيد البيع بالعمولة مجال مربح جدا ولكنه من اصعب المجالات علي الانترنت ومواقع كتير بتتيح ليك الربح من العمولة زي امازون وجير بيست وسوق ودا بيعتمد علي خبرتك في حاجات كتيرة
————————————————————————————–
10-الربح من تطبيقات الموبايلات
اذا كان عندك حساب جوجل عادي تقدر تربح بيه من تطبيقات اندرويد او ios سواء العاب او برامج عن طريق تحميل المستخدمين التطبيقات دي علي موبايلاتهم
واكيد هتحتاج تتعلم لغة برمجة زي جافا او كوتلين وممكن تربح بنظام الريسيكن ودا اللي بيستعمله اغلب العرب بس هتستني علي الربح في المجال ده فترة رغم انه ممكن يخليك مليونير
————————————————————————————–
11-الربح الذكائي
بعد ما تفهم كل اللي فات ده وتعمل سيو وتسويق لموقعك وتعمل اعلانات ممولة انت كده وصلت لمرحلة محترف فعلا وتقدر تعمل مشروع خاص بيك ودا بيعتمد علي ذكائك وقدرتك في انشاء وادارة مشروع مربح كامل
ملاحظة اخيرة”الربح من السوشيال دا اي كلام ومفيش حتي الان طريقة رسمية من الفيس ولا تويتر للربح منهم لكن هو وسيلة مهمة جدا للربح من الانترنت

صاحب المقاله احمد نصار اضغط هنا لزيارة صفحته علي الفيسبوك

عن المهندس الاول

محمد عبدالله:عربي الهوية مصري الجنسية /اعمل في مجال الانترنت و الكمبيوتر لهدف واحد ووحيد وهو مساعدة كل عربي مبتدئ وتأهيله للإعتماد علي نفسه بعد الله عز وجل وأرجو منكم مساعدتي في تحقيق الهدف بأن تكونو في عون بعضكم البعض كعرب دون النظر للجنسية أو الدين أو العرق .

اضف رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

شرح برنامج Wpa-Wps Tester لأختراق شبكات الويفاي

ضع تقييمك من فضللك[Total: 10 Average: 4.2]شرح برنامج Wpa-Wps Tester لأختراق شبكات ...

المهندس الاول للتدريب تعليم كل مايخص الحاسوب من البداية للإحتراف حماية - صيانة - تصميم - انترنت - برامج كامله -دورات ......